Першы восеньскі Open Шкаф у OK16

19–20 верасня ў прасторы OK16 пройдзе першы восеньскі «Open Шкаф» — найбуйнейшы і самы вядомы рэгулярны гарадскі кірмаш і фестываль лакальнай культуры і свядомага спажывання ў Мінску. Па фармаце гэта сумесь дызайнерскай ярмаркі, вінтажнага базару, класічнага гаражнага распродажу і культурнага гарадскога ўікенда з музыкай, зонай харчавання і лекцыйнай праграмай.

Што чакае наведвальні:ц:

• восеньскія калекцыі ад лакальных дызайнер:ак;
• вінтаж і гаражны распродаж — рэчы з другіх рук у добрым стане;
• абмен рэчамі паміж удзельні:цамі без грошай;
• вінілавыя пласцінкі;
• фотакуткі для ўдалых кадраў;
• спецыяльная зона для хвосцікаў — можна прыходзіць з жывёламі;
• майстэрні для ўсіх узростаў;
• падарункі і зніжкі ад партнёраў кірмашу.

Арганізатары «Open Шкафа» кажуць пра сваё мерапрыемства проста: «Чакаем усіх, любім кожнага і кожную!»

Дзе: OK16, вул. Кастрычніцкая, 16/25
Калі: 19–20 верасня, 12:00–21:00
Уваход: свабодны

Далучайцеся да ўікенда і сачыце за абнаўленнямі!