Анлайн-інтэнсіў па лідарстве FOLLOW ME ад топ-менеджараў Verv і Flo

Рынак сёння ацэньвае не толькі выканальніцкія якасці, а ўменне будаваць асяроддзе, у якім расце аўтаномная каманда. На пэўным этапе кар’еры ці развіцця бізнесу ключавым становіцца не ўменне рабіць задачы рукамі, а здольнасць аб’ядноўваць і весці за сабой людзей. Школа кампетэнцый адкрывае восеньскі сезон чатырохгадзінным інтэнсівам у Zoom пра кіраванне без фармалізму і ілюзій, пабудаваны вакол пошуку ўласнага стылю кіраўніцтва.

Для каго: падзея разлічана на middle-спецыяліст:ак, якія плануюць пераход на senior- і C-level пазіцыі, фаўндар:ак бізнесаў і стартапаў, а таксама тымлід:ак праектных, размеркаваных і валанцёрскіх камандаў, якія імкнуцца замяніць кантроль даверам і аўтаномнасцю.

У праграме:

• Любоў Пашкоўская, Co-founder Verv, раскажа пра пошук аўтэнтычнага стылю лідарства
• Віталь Кухарчык, Head of Product Operations у Flo, падзеліцца інструментарыем для росту аўтаномнай каманды.

Умовы: бясплатна, па папярэдняй рэгістрацыі, колькасць месцаў абмежаваная.

Фармат: 4 гадзіны анлайн у Zoom
Калі: 19 верасня 2026, 11:00 (UTC+1)
Дэдлайн рэгістрацыі: да запаўнення месцаў

Зарэгістравацца на інтэнсіў і заняць месца ў групе!