МІЖНАРОДНЫЯ КАЛЕДЖЫ UWC ДЛЯ СТАРШАКЛАСНІКАЎ І СТАРШАКЛАСНІЦ

United World Colleges (UWC) — гэта сусветная сетка з 18 каледжаў, дзе моладзь з розных краін разам вучыцца і жыве. Галоўная мэта, зрабіць адукацыю сілай, якая аб’ядноўвае людзей дзеля міру і ўстойлівай будучыні. Навучанне праходзіць па міжнароднай праграме International Baccalaureate: студэнты паглыблена вывучаюць прадметы, ствараюць сацыяльныя праекты, займаюцца валанцёрствам і творчасцю. Гэта не проста школа ці звычайныя моўныя курсы, а паўнавартасная двухгадовая адукацыйная праграма, якая рыхтуе да паступлення ў найлепшыя ўніверсітэты свету.

Даты: Падача заявак адкрыта; навучанне пачынаецца з 2027 навучальнага года.

Для каго:

• Для беларускіх школьніц і школьнікаў (звычайна 16–19 гадоў на момант пачатку вучобы).
• Для тых, хто мае актыўную грамадскую пазіцыю, дэманструе лідарскія якасці і эмпатыю.

Умовы:

• Двухгадовае навучанне ў адным з 18 каледжаў UWC па ўсім свеце.
• Больш за 80% адабраных кандыдат_ак атрымліваюць поўную або частковую стыпендыю.

Дэдлайн падачы заявак: 5 кастрычніка 2026 года (14:00 GMT+3).

Падрабязнасці і анлайн-анкета — па спасылцы.