Вебінар «АІ і экалогія: адказнае выкарыстанне штучнага інтэлекту»

Ці ведаеце вы, колькі энергіі спажывае адзін запыт да ChatGPT? Што калі кожны ваш запыт да АІ пакідае след на планеце і адначасова можа яе ратаваць?

Штучны інтэлект усё глыбей уваходзіць у наша штодзённае жыццё, але ці задумваемся мы пра яго ўплыў на навакольнае асяроддзе? Ці ён толькі адмоўны? На гэтым вебінары вы разбярэце, што сапраўды кажуць лікі, як карыстацца АІ усвядомлена і эфектыўна, пачуеце экспертаў_к з галіны экалогіі і даведаецеся пра магчымасці, якія адкрывае Nierusz Natura для студэнтаў і студэнтак.

Якія будуць тэмы?

• Уплыў АІ на навакольнае асяроддзе. Вялікія моўныя мадэлі патрабуюць велізарных вылічальных рэсурсаў, як на этапе трэніроўкі, так і пры штодзённым выкарыстанні. Вы даведаецеся, кі рэальны экалагічны кошт мае гэтая тэхналогія, і адначасова разгледзіце, як АІ дапамагае вучоным і экалагічным арганізацыям у барацьбе з кліматычным крызісам.
• Eco-friendly промпты: як пісаць лепш. Дакладна сфармуляваны запыт — гэта не толькі лепшы вынік, але і меншая нагрузка на серверы. Навучыцеся фармуляваць промпты, якія працуюць з першага разу: менш паўтораў, менш энергіі, больш карысці.
• Магчымасці для студэнтаў і студэнтак. Даведаецеся пра адукацыйныя і валанцёрскія магчымасці для студэнтаў і студэнтак з першых вуснаў ад старшыні кіраўніцтва фонда Nierusz Natura Уладзіміра Зуева і лідаркі моладзевай групы Coalition Clean Baltic Кацярына Еўсюковай.

Вэбінар адбудзецца двойчы — вы можаце выбраць зручны для вас час:

• 27 чэрвеня, 14:00 (Варшава) — Зарэгістравацца
• 29 чэрвеня, 19:00 (Варшава) — Зарэгістравацца

Удзел бясплатны. Рэгістрацыя абавязковая.